Umurzoqov Sardor O‘ktamovich

O‘zbekiston Respublikasi Prezidenti huzuridagi Strategik rivojlanish va islohotlar agentligi direktori

Davlat boshqaruvi, investitsiyalar, xalqaro moliya, tashqi iqtisodiy aloqalar va strategik rivojlanish sohalarida ko‘p yillik tajribaga ega.

Tarjimai hol

1977-yil 23-noyabrda Toshkent shahrida tug‘ilgan.

Toshkent davlat iqtisodiyot universitetini bakalavr darajasi bilan tamomlagan. Shuningdek, Buyuk Britaniyaning Reading universitetida magistr darajasini olgan.

Mehnat faoliyatini O‘zbekiston Respublikasi Tashqi iqtisodiy faoliyat milliy banki tizimida boshlagan. Keyingi yillarda Londondagi Yevropa tiklanish va taraqqiyot bankida ishlagan, O‘zbekiston Respublikasi Moliya vazirligi G‘aznachiligi tizimida rahbarlik lavozimlarida faoliyat yuritgan.

Turli yillarda “O‘zcharmsanoat” uyushmasi raisi, investitsiyalar va tashqi savdo vaziri, Bosh vazirning o‘rinbosari, Prezident Administratsiyasi rahbari, Prezidentning maxsus topshiriqlar bo‘yicha maslahatchisi hamda strategik rivojlanish bo‘yicha maslahatchisi lavozimlarida faoliyat yuritgan.

2026-yil 10-iyuldan O‘zbekiston Respublikasi Prezidenti huzuridagi Strategik rivojlanish va islohotlar agentligi direktori.

Kasbiy faoliyati

2000–2003 O‘zbekiston Respublikasi Tashqi iqtisodiy faoliyat milliy banki — bosh ofis va Samarqand hududiy bo‘linmasi.
2003–2007 Londondagi Yevropa tiklanish va taraqqiyot banki (2003-yil noyabridan).
2007–2013 Moliya vazirligi G‘aznachiligi — rahbar o‘rinbosari, birinchi o‘rinbosar, Toshkent shahar G‘aznachilik boshqarmasi boshlig‘i.
2014–2017 “O‘zbekcharmpoyabzali” uyushmasi raisining maslahatchisi.
2017–2018 “O‘zbekcharmpoyabzali” uyushmasi raisining o‘rinbosari.
2018–2019 “O‘zcharmsanoat” uyushmasi raisi.
2019-yildan O‘zbekiston Respublikasi investitsiyalar va tashqi savdo vaziri (28-yanvardan).
2020-yildan Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri (10-martdan).
2022-yildan O‘zbekiston Respublikasi Prezidenti Administratsiyasi rahbari (16-iyuldan).
2023-yildan O‘zbekiston Respublikasi Prezidentining maxsus topshiriqlar bo‘yicha maslahatchisi (17-avgustdan).
2025-yildan O‘zbekiston Respublikasi Prezidentining strategik rivojlanish bo‘yicha maslahatchisi (14-iyuldan).
2026-yildan O‘zbekiston Respublikasi Prezidenti huzuridagi Strategik rivojlanish va islohotlar agentligi direktori (10-iyuldan — hozirgi vaqtga qadar).

Ta’lim

Bakalavr Toshkent davlat iqtisodiyot universiteti
Magistr Reading universiteti, Buyuk Britaniya