Navoiy viloyati hokimi Normat Tursunov hamda O‘zbekiston Respublikasi Prezidenti huzuridagi Strategik rivojlanish va islohotlar agentligi direktorining o‘rinbosari Taxirjon Safarov ishtirokida uchrashuv bo‘lib o‘tdi. Uchrashuvda hududni ijtimoiy-iqtisodiy rivojlantirish strategiyasi, shuningdek, Strategik rivojlanish va islohotlar agentligi tomonidan yaratilgan hududlar to‘g‘risidagi tahliliy ma’lumotlarni jamlovchi Geoportal axborot bazasining imkoniyatlari muhokama qilindi. Muloqot davomida Geoportal imkoniyatlarini yanada kengaytirish, hududlarga oid tahliliy ma’lumotlardan samarali foydalanish va ularni rivojlanish jarayonlariga tatbiq etish bo‘yicha takliflar bildirildi. Uchrashuv yakunida mazkur yo‘nalishlarda hamkorlikni yanada kuchaytirish va belgilangan vazifalarni birgalikda amalga oshirish bo‘yicha kelishib olindi.