Strategik rivojlaniş va islohotlar agentligi tomonidan Qonunçilik va huquqiy siyosat institutida davlat boşqaruvini nomarkazlaştiriş masalalari böyiça seminar ötkazildi.
Unda vazirlik va idoralarning şu masalalarga masʼul tarkibiy bölinmalari, Qoraqalpoğiston Respublikasi Vazirlar Kengaşi, viloyatlar va Toşkent şahri hokimliklarining axborot-tahlil hamda strategik rejalaştiriş bölinmalari rahbarlari iştirok etdi.
Bundan qariyb bir yil oldin, 2025-yil 21-oktyabrda Özbekiston Respublikasi Prezidentining “Hududlarni barqaror ijtimoiy-iqtisodiy rivojlantiriş uçun tuman (şahar) hokimliklari faoliyatini tubdan takomillaştirişga doir qöşimça çora-tadbirlar töğrisida”gi Farmoni qabul qilingan edi.
Unga muvofiq, 45 ta tuman va şaharda, tajriba-sinov tariqasida, ixçam va natijadorlikka yönaltirilgan boşqaruv tizimi yölga qöyildi. Xususan, iqtisodiyot, investitsiya, qişloq xöjaligi, quriliş, bandlik, ekologiya, madaniyat, xotin-qizlar, yoşlar sohalariga masʼul 9 ta ijro etuvçi hokimiyat organining hududiy bölinmalari hokimliklar tuzilmasiga ötkazildi. Bunda, hokimlarga hududning ixtisoslaşuvi va drayverlarini belgilaş, mazkur 9 ta bölinma xodimlarini lavozimga tayinlaş, ularni rağbatlantiriş yoki intizomiy javobgarlikka tortiş vakolatlari berildi.
Bugungi kunda uşbu tajriba natijalarini baholaş va miqyosini kengaytiriş ustida iş olib borilmoqda. Jumladan, orttirilgan tajriba asosida hudularning fiscal va ma’muriy huqularini yanada kengaytiriş borasida takliflar islab ciqilmoqda.
Seminarda mahalliy va xorijiy ekspertlar, hududlardagi mutasaddilar iştirokida ötgan bir yil davomida qilingan işlar hamda dastlabki natijalar muhokama qilindi.
Yangi tizim joriy etilgan 45 ta tuman va şaharda boşqaruv samaradorligi oşgan, markazga boğliqlik va byurokratiya qisqargan, sohalar böyiça bölinmalar işida muvofiqlik kuçaygan, aholi va tadbirkorlar manfaatlariga xizmat qiliş yaxşilangan.
Endi uşbu tizimni takomillaştirib, mahalliy ahamiyatga molik masalalarni mustaqil hal etişda tuman va şahar hokimliklarining ma’muriy vakolatlarini yanada kengaytiriş közda tutilmoqda.
Bu borada rivojlangan demokratik davlatlar tajribasi ham örganilmoqda. Iqtisodiy hamkorlik va taraqqiyot taşkiloti hamda Germaniya xalqaro hamkorlik jamiyati bunda yaqindan kömak bermoqda.
Mazkur taşkilotlar ekspertlari nomarkazlaştiriş böyiça xalqaro tajriba va tavsiyalarni taqdim etdi. Muhokamada boşqaruv darajalari örtasida vakolatlarni taqsimlaş va ikki tomonlama böysunişni bartaraf etiş, moliyaviy resurslarni berilgan vakolatlarga muvofiqlaştiriş, boşqaruv darajalari örtasidagi hamkorlik masalalariga alohida e’tibor qaratildi.
Şuningdek, mahalliy özini özi boşqariş tizimini mustahkamlaş, hududlarda strategik rejalaştiriş salohiyatini oşiriş hamda davlat xizmatlarini aholiga yaqinlaştiriş masalalari ham körib çiqildi.
Mazkur hamkorlik “Özbekiston davlat boşqaruvi şarhi” (Public Governance Review) loyihasi doirasida amalga oşirilmoqda. Loyihaning ikkinçi bosqiçida nomarkazlaştiriş ustuvor yönalişlardan biri hisoblanadi. Uning mohiyati vakolatlarni markazdan hududiy va mahalliy boşqaruv darajasiga bosqiçma-bosqiç ötkazişdan iborat.
Loyihaning ikkinçi bosqiçi natijalari 20-noyabr kuni bölib ötadigan yakuniy tadbirda sarhisob qilinadi.






